მოგესალმებით ძვირფასო www.ISLAM.ge-ს სტუმრებო! თქვენს წინაშეა ქართული
ვებ-გვერდი www.ISLAM.at.ua , რომელიც შეეცდება მაქსიმალურად მოგაწოდოთ სრული
ინფორმაცია ისლამის შესახებ. ამ გვერდის მთავარი მიზანი არაა მხოლოდ ამ
რელიგიის ქადაგება, არამედ ის წარმოადგენს საინფორმაციო ბაზას, სადაც
დაინტერესებულ პირებს შეეძლებათ მოიძიონ სხვადასხვა ინფორმაცია ისლამის
შესახებ.
ისლამი მსოფლიოში ერთ–ერთი პროგრესული რელიგიაა, რომელსაც უამრავი
მიმდევარი და მორწმუნე ჰყავს. თანამედროვე ცივილიზაციის, მოდერნიზაციისა
და გლობალიზაციის პირობებში ისლამი ევროპაში, აზიაში, ამერიკაში,
ავსტრალიაში და თითქმის მთელ მსოფლიოში დღენიადაგ ახალი მორწმუნეებით
ივსება და მყარდება. ისლამმა მედგრად გაუძლო მოდერნიზაციის წნეხს და
შეინარჩუნა ფუნდამენტური საკითხები, რითაც გამოირჩევა ის დღეს სხვა
რელიგიებისაგან. ისლამმა არა მარტო გაუძლო მოდერნიზაციის დარტყმას, არამედ
უფრო განამტკიცა თავისი ჭეშმარიტება. ამას ხელი შეუწყო სასწაულმოქმედების
მქონე წყარომ წმინდა ყურანმა, რომელიც ერთდროულად პასუხობს სამ დროს,
წარსულს, აწმყოსა და მომავალს, ასევე შეიცავს იმ საიდუმლოებებს, რომლებიც
ბუნების წიაღში არსებობს და ნელ–ნელა ხდება ცნობილი კაცობრიობისათვის.
წმინდა ყურანის სასწაულმოქმედება გამოიხატება მის ენობრივ, ლიტერატურულ
მაღალხატოვნებაშიც, რომლის წინაშეც ქედს იხრიდნენ ისეთი დიდი ფილოსოფოსები
და ლიტერატორები, რომელთა შედევრებსაც მსოფლიო აღიარებს.
